LATAGUDU ARTICULU DE MARIANU F.URRESTI ENA RIVISTA "SEDI"...

" MALAS PULGAS " : ( 1ª PARTI )

Enanque nu creanlo, en ámbitus asgaya de la ciencia (refieromi a la otra cara de la ciencia qu'estimula el consumu, la degraación de lus espacius ambientalis, la qu'esquilma lus recursus naturalis a favó del benejiciu enmediatu al que es tan propensu el liberalismu capitalista) se está avanzando jacia una visual orgánica de tóo lo creáu, de tal móu que tóu apáez comu una rialidá endivisibli, comu una enormi tela ensín costuras.

Jaz tiempu qu'el conceutu científicu newtonianu, que veía lo creáu como una máchina, se ha vistu sustituidu por un paradigma dijerenti. El jisicu inglés James Jeans dicía: "L'universu espienza a páecersi mas a un gran cavilamientu que a una gran máchina".

La jisica cuántica escomenzó a desvelar un universu por completu dijerenti del que sospechavasi. Descubriósi que lus átomus nu eran pratículas sólidas y fijas, sinu práuticamenti varcias y en vibración derreu. Un diya leí un pintu'l casu estraódinariamenti ilustrativu: si maginamus que un átomu juera tan grandi comu la cúpula de San Pedru del Vaticanu, el su núcleu ainas sedría comu un granu de sal suspendíu nel centru, y lus lectronis escarpinarían al su alréor girando a una velocidá juntana a la luz, siendo su tamañu nu mayor al de una mota de polvu. Tóo lo demás, sedría vacíu.

Esa nuéa visión de la rialidá alteró concencias asgaya. Y aún mas cuandu ávirtiosi que era emposibli óservar lus aspéutus mas intimus de la natura cona comodidá que anjeabasi, de móu que la ojetividá científica veíasi puesta en tela de juiciu. Y es que si se quier cunucer la posición d'una pratícula, es emposibli supir la su velocidá y a la escontra, sigún dejó escritu Werner Karl Heisenberg en su Principiu d'Encertidumbri.

La jísica cuántica desveló paradojas asgaya de las que era rea la ciencia jasta esi momentu, y el resultáu jue un progresivu jermanamientu enti la ciencia y la mística, puestu que la jísica cuántica acababa de redescubrir prencipius ancestralis, sellencus de las culturas chamánicas, ondi la Natura nu era oserváa (comu angu ajenu y desternu) sinu vivía (comu angu de lo que jormasi parti).