Smita Panvalkar tien 54 añáas, es una mojer d'armas tomar. Vivi d'alquiler nuna chabola'n Bombay. El multimillonariu americanu Donald Trump está mercando tolus enmueblis del barriu pa demolelus, y ercer una torri d'apartamentus de luju, con 52 pisus.Piru Donald, un hombri pocu acostumbrau a las derrotas, alcontró nesti probi esgonzi de la India una inesperáa horma pa lus sus carisimus zapatus: la siñora Smita.
L'amu del terrenu, que ya vese anadando nun océanu dólaris, está anjeando vender. Ya jue pa desalojar a lus otrus 25 enquilinus...piru tropezósi cona jamilia Panvalkar. Ellus pagan religiosamenti la su renta y nu quierin dirsi.
Ne siquier arredralis el ruiu de mil demongrius que jacin dendi mu trempanu lus obrerus, qu'escomenzarin a estorregar las casas vicinas. Lus Panvalkar estuvierin 42 diyas ensin corrienti létrica, onqui arreglarensi conas velas. "Vivimus un infiernu", diz Prasad, diabéticu, que pasosi un mes ensin poer inyectasi la su ración d'insulina: la fresquera nu juncionaba y nu bía jorma de caltener las dosis refrigeráas.
El miércolis golvió la luz. Lus Panvalkar culpan al amu del terrenu d'estus cortis, siguin terne que terne y nu quierin dineru.
Comu muchu, están dispuestus a dejar la su vivienda si les ofrecin a cambeu'n nueu apartamentu ena jutura "Trump Tower". Piru'l tratu nu paez pusibli: Smita, cona su brusa gastáa y las sus antiparras viejas, nu es el tipu de mojer que Donald anda escarceando pa la su torri.
Entradas
