Hier juimos a ver un nuéu colombru de la vergüeña pulítica nesa aunidá de distinu eno universal llamáa España. Un anunciu de la multinacional Coca Cola jue sospendíu por mor d`una delación de la entarajilación Dignidad y Justica, asociación de vítimas del terrorismu conservaor, qu`acusó a un de los actoris de ser abertzale. Sí. el su dilitu es participar n`autos de poinu a presos bascos (principalmenti d`ETA). La custión no tindría náa de nuéu si la empresa dejara pa práu la denuncia-delación, peru, la poderosa firma de la chispa de la vida, alcedió a la presión meyática y desapartó de la circulación esi anunciu con actor bascu nacionalista.
Gotzon Sánchez, el malu de la película, declinó la su sustifación y sospresa pola atitú endina y enjusta de l`asociación y, puntu pior, la comenencia de la tresnacional de refrescos. Asina están los bolos pinaos...
Entradas
