Los Mallones

Deja volar un pocu la tu maginación. Apeldas al tu primu y al tu vicinu, qu'están mas u menos comu tú.
-¿Vinís a jugar a la mi casa?
-Sí, sí,vamos.
-¿A qué jugamos? -Hai unos segundos de pausa, que se tronzan con otra prigunta pa respuender a l' anterior-.
-¿A "los mallones"?
-Sí, sí, a esu.

Mos faltó tiempu pa dir al cuartu los piensos y trujir un garrote combláu de garojos y plantamos en meyu la cucina, ya qu' esti era l'únicu esgonce caldeáu de las casas d'entós. D'aquella dengunu de nos bía sentíu parlar de la Torre Eiffel, piru daque de las nuestras ya allegaba al metru y meyu.