Los socesos del 24 Abril en Bangladesh tien que ser un puntu final d'esti mundu relochu, nu puée ser qu'en plenu siglu 21 el capitalismu global maneji asina la vida las presonas. Las madureras nu puéin ser mas alocinantis: 1.126 presona muertas (la mayoría mozucas cumu la de la jotugrafía) que trebajaban 12 horas diarias jaciendo ropa pala sociedá ocidéntal. El sueldu era de 30 euros al mes...abora paez qu'el gobiernu está estudiandu subilo. Esti chiringuitu testil muevi al añu 20.000 millonis d'euros en Bangladesh...cumu pa dejalo. L'esmane del Edifíciu La Praza Rana tien que ser un simbol, un enantis i un dimpués, pa que cambee esta sociedá tan consumista, que solu trae estas desigualdaes enti las presonas i la esplotación pa neños i neñas asgaya enos paisis mas probis del mundu, tóo pa que mosotros tengamos ropa "barata". ¿Merez la pena siguir con esti cambalachi autual? Yo cudó qu'estu tien qu'aparar ya,.por respetu, por ética.
Entradas
No hay comentarios:
Publicar un comentario