Nel siglu XIX y prencipios del XX las mozas, n'España,diban al baili cona su madri o con otra mojer, "la cuspeta",
qu'aviliaban el su mou de portase pa con los hombris.
Comu la necesidá echa cambas, pocapocu entarmarin una jorma
de cumunicase por meyu d'un apachuscu que, d'aquella , era mu
corrutu: l'abanicu.
Cáa movición tinía un sinificau diferienti:
-Abanicasi seglementi: Estoi casáa.
-Abanicasi a tóo ciscu: Estoi comprometía.
-Dar güeltas al abanicu cona manu derecha: Quiero a otru.
-Dalas cona manu isquierda: Mos están pispiando.
-Caltener l'abanicu meyu abiertu asujetándolo sobri los labios: Pués besame.
-Poinalo sobri'l papu derechu : Sí.
-Sobri 'l papu isquierdu: No.
-Apalpar col deu'l pintis curvu: Quedría parlar cuntigo.
-Piesllar un abanicu, abiertu'n parracil, mu despaciu:Prometo casame
cuntigu.
-Las dos manos asujetándolo n'abertal: Ulvídame.
-Llevalo abiertu ena manu derecha : Eris fogosu por demás.
-Abiertu y conos güejos ascuendíos detar d'él : Te quieru.
Abora tamién hay dificultaes de cumunicación enti las parejas, onque las talanqueras
vienin por otros calces.
-La Dulda-
Entradas
Quizaes abora semos pa parlar y no sabemos qué dicir...
ResponderEliminarQuizaes es el modelu de "lo que dicir" que no es pa despresar "lo que sintir".
Quizaes estamos verdis en caloca...
Quizaes es más cincillu parlar "lo que dicir" que despresar "lo que sintir".
ResponderEliminarQuizaes...milentas de cosas.
O quizaes es que mos acoloña, mos avergüeña, mos da miéu-o un pocu de tóo- desponer el cordial desdáu y a la santimperie.
Abora mesmo istaba liendo un pedriolicu i dicíá
ResponderEliminarLola Beccaria del su libru "L'arte d'esmanar":
-Nel libru quieru ajondar nel mundu emocional del
hombri,un luegar qu'es necesariu aprender.Si
pudieramos allegar ahí i entender al hombri,creu
que l'encumunicación,el desacuerdu o el desalcuentru que vivimos solucionaríánse.
Paeceme que vién al casu.
¡¡El cordial desdáu y a la sentimperie!!
ResponderEliminarNo pidis tú pocu... si mos cuesta dir col culu al airi... comu pa dir col corazón al serenu.
¡¡¡Esti blogue es un nial de relochos!!!... peru guapu, guapu.
Retruca p`Antón: El tu comentariu vién al casu que ni pintau...
ResponderEliminarAhi está la jaba; No tantu - me paez- nel mundu emocional, que tamién,sino ena su despresión.
Pa Gandra:La cordura es la relochez de los más, dicin que.
Mosotros, pol momentu, semos menos.