UN GÜEN DAU PAL DIYA DE REIS: Un relatu d'Antonio Bartolomé.

************************** " La Sestaferia" ************************

¿Quién alcuerdasi d'esta parabreja y del su sinificáu? Pos era, ne mas ne menos la obrigación que tinía cáa vicinu de jacer un avíu gratuitu al común del pueblu, precisamenti'n vienris. Posteriormenti , y asína lo cunució'l qu'escribi, llamabasi "diya de camberas".U "diya de prantíu".U "diya de monti u de mies". El ojetivu era arreglar las camberas, los regatos y camberas minoris, nel "diya de las camberas"; prantar u reponer l'arboláu de los montis ; cajigas, castaños, ancinas, jayas, ect., enos montis comunalis, col fin de que hubieri leña'l cabu de las añáas y la maera que nitara daque vicinu.
Quien nitase una cajiga pa la su casa u corte u breniza, concedíaselu gratuitamenti, peru bía de prantar po lo menos tres y cuidalas jasta qu'ercierensi pa que nu se esmanasi la pranta.En cuantu a "diyas de mies", era amejáu'l diya de "camberas", es icir, arreglar los acesos a la mies, suprimiendo bardalis y jaramagos pa que, al atropar la herba ensuchu nu quearasi parti d'ella enti las bardas... Comu nu bía presupuestu munecipal ne concejil, estos labarientos bían de jacesi enti tóos. Nu ibrabasi naidi. Si acasu, la viuda con jios chicos. Cáa vicinu, bien el capeza de jamilia, bien angún jiu mayor, tinía qu'apurrir l'avío u ameniculu pa lo qu' estuvier mas capacitáu: una pala de tierra, una azáa p'arreglar las orillas de las camberas u de los regatos, un rozón u pala de "guinchos" pa quitar bardalis; una maza u barrenu pa quitar angún estorbu pétreu de las camberas y destrompalu aluegu.
Y ya nel casu mayor, si jubieri necesidá d'anguna pareja de güeys u vacas, avisabali'l amu con tiempu pa tenela preparáa. Corrientementi avisabasi diyas enantis, bien poniendo unos anuncios ena bitácula, la escuela u la ilesia, bien por meyu de la jamosa "veréa", es icir, l'anunciu, cuyu papel apurriabasi de vicinu a vicinu, y a la final del ciclu , golvía la tal "veréa" al conceju.
Tremináu'l labarientu que la Junta Vicinal creyera oportunu, acurriabansi tóos enos alredeoris de la "ca conceju" y se les osequiaba con unas tajás de bacallu -crudu, naturalmenti-su pan correspondienti y su tragu de vinu "pa matar el usanu" del cansanciu. D'esti usequiu participaba la chiquillería, que siempri roldaba estas cosas, tantu nel labarientu a "enterasi" comu pa jacer númberu enti los osequiaos.
Muestros güelos -y, ay, muestros padris, pos el qu'escribi lo vió y participó en estas cosas- supían lo que se trujían enti manos. Jacían tóo pal bien común del pueblu. Eran previsoris. Cudaban enos que vinían detrás y sobri tóo enos prantíos. ¿Hui? Egoísmu puru. Naidi cuda enos demas.

(Esti relatu "La Sestaferia", está nel libru "Cosucas y Quisicosas", 1995).