Carla Rutilo Artés jue la primera nieta arrecuperáa polas Güelas de Praza de Mayu. A las 10 añáas supu que'l su inombri nu era Gina Amanda Ruffo...que'l su padri nu era'l hombri que abusaba d'ella dendi que tinía 3 añáas y que la cucaba taringas "por tóo y por náa", ne la su madri aquella mojer que cambeabali tolos diyas d'aspeutu-" tiñiame los pelos, poniami lentillas..."- por razonis qu'ella nu pudía comprender. Carla aprendio jaz 25 añáas quién era -la jia de una esguyuviciáa y un asesináu pola dictáura argentina- y debiselo a 2 presonas: a la su güela, que la escacijó por tol mundu con una sola jotografía , y el jué Baltasar Garzón," el primeru que mos ascuchó, y jizu qu'Argentina abriera los güejos y espenzasi a ercer la su hestoria mas negra".Carla abora vivi'n Madrí y diz qu'es una siniquidá'l procesu escontra Garzón.
Jaz pocu viajó a Argentina pa declarar nel juiciu escontra Ruffo y otros torturaoris de la dictáura militar argentina. La su güela pidioli que nu juera palla...peru ella es valienti.
Carla tamién prometi dir a tolos autos en decensa del jué Garzón y apoya a la Jundación Saramagu pa proponéli pal Nobel de la Paz:" Sedría una carrilláa pa quienis le han atacáu".
Entradas
No hay comentarios:
Publicar un comentario