Alcordanzas

Nuna parlauca al estrincote con La Dulda, ésta, díjome que me sal un viecu aspru enos mis escritos de La Sestaferia. Tién razón. No hai un aquel pa qu`estu soceda, peru acontez... con remeyu.

Va unos días que ruamos por Castellón. Hai descansu peru tamién hai compartir momentos con amigos. Pa nos, tol Mediterraneu vién a ser apaicíu. No lo es, peru solemos acinciar (ellos lo jacin col Cantábricu). Estos días vienin alcordanzas prestosas de tantos sitios y gentis qu`aprendimos nestas tierras.

Una de las primeras alcordanzas surdi de Turballos, un pueblu d`Alicante ondi asentóse la comunidá del Arca (de Lanza del Vasto). Allí, pasemos güenos momentos... ¡jaz una vida!: el saludu al sol del remanecer, la joguera del acaecer, el trebaju manual, la yoga del albiar, el jornazu seimanal con Jesús (un zamoranu qu`hicía un pan... ¡güenísimu!), las danzas del sábadu, els cocs (amb sardinetes, amb verdures, amb xocolata...), las parlaucas con Vicent, despres de sopar... güenas alcordanzas.

N`Ondara tinían casuca el Juli i la Lidia (dos benvolguts amics). Allí, nesa casa arrodiáa de laranjalis al pie del Montgó, asperemos la nacencia del su jíu; y, a pocos quilómetros, en Beniarbeig, nacierin los nuestros jíos meyanu y chicu ¡Vae alcordanzas prestosas! Montse Catalá, Pere, Rachel (anda por África, dicin qué) y Agathe. El Pep i la Vicenta, la su casa y los sus laranjalis en Pedreguer... i els pastisos de moniato!!! (Jo vol tornar!!)

Acánzome de L`Arbolí, la finca permacultural de Richard Wade enas montañas de Tarragona. Cala Mora (o Fonda) n`Altafulla, el Torn, el Garraf; y, golviendo a Alicante, ena Sierra d`Enguera, la genti de Sierra Natura con Mª Carmen y Diego, los Haroldos y Chesus ena cucina vegetariana: Alcordanzas prestosas.