SINTOMÁTICU

Es tantu l`anjéu por un cambéu que se mos jaz qu`ésti es lentu y caprichosu. Es tanta la siniquidá que da duda ascuchá-las madureras. Encontóo, al simen d`una luga enti una resquieza de ñublu, parecin datos d`un cambéu lentu... peru siguru.

El pasáu nuviembri, en Madrí, celebrárinse dos ferias bien repucháas, onque, juntanas. La primer d`ellas jue`l SIMA Tardíu Madrí 2013. Feria`l seutor imobiliariu de segunda manu. Tol abanicu de bancos despusierin los sus trofeos de destorsión, fraude y dañu. 60 despositoris y menos de 10.000 vesitantis. D`otra manu, a la su vera, BIOCULTURA Madrid 2013. Feria de l`alimentación y produción ecológicu con cuasi 800 despositoris y más de 70.000 vesitantis. Sintomáticu.

Hai una muvición que paez no soceder, peru que va dando la espalda a un sistema que no quier. A dale al rumiu.