NOAM CHOMSKY (2), TERNE QUE TERNE...

4º/ El cuentu de Diferir/
Otru mou pa jacer aceutar una medía empopular es la de presentala comu "dolorosa y nitaria", asganzando mijor asina l'aceutación púbrica, nel momentu, pa una apricación jutura.
Es mas fácil aceutar un sacrijiciu juturu que un sacrijiciu imeyatu.
Primeru, porque'l disjuerzu nu es empreau imeyatamenti. Dimpués, porque'l púbricu, la masa, tien siempri a asperar engenuamenti que
"tóo dirá mijor mañana" y que'l sacrijiciu juturu podrá ser evitau.
Estu da mas tiempu al púbricu p'acostumbrasi a la ideya del cambeu y d'aceutala con resinación cuandu allegui'l momentu.
5º/ Parlar al Púbricu comu a Neños /
Cuasi tola pubricidá dirigía al gran púbricu utiliza un discursu, presonajis y entonación infantilis talmenti, vegáas asgaya averaos a la debilidá, comu si'l espetaor juesi un neñu chicu y tochu.
Cuantis mas tratasi d'engañar al espetaor, mas se trata de jacer un tonu infantilizanti. ¿Por Qué?
"Si unu dirigise a una presona comu si esta tuvier 12 añáas u menos, entós, esta tendera a dar una rispuesta tamién desprovista de un sen criticu, comu la de una presona de 12 añáas u mas chicu".