Por fin allega un camareru a apurrimos el menú. Es una tarja plastificáa y bien protegía. Mirámola y vemos platos de tolos esgoncis del estáu, enclusen hai especialidaes jolasteras. Oservamos con cuidu y cudamos.
D`entremesis tenemos:
- Entremesis fríos Terra Mítica
- Entremesis caldos Terra Natura Benidorm
- Coscarrones Casu Zamora
- Paté d`embutíu al istilu l`auntamientu salmantinu
- Rustianas d`ensaimáa a las Matas balearis
De primer platu hai:
- Paella valenciana casa Emarsa
- Pulpe a la Púnica
- Alubias Bárcenas españantes
- Crema de Linu al saber de Loyola de Palaciu
- Patacas con salmón al taste del ministru Soria
De sigundo tienin:
- Tarjetonis black con caviar Bankia
- Canelonis tresvasantis de la Cooperación a Miami
- Chuletón gordu Pokemon
- Chuletas de chon al aroma de Bruselas
- Churizu con güevos a la Gürtel
De postris:
- Lambique y dulcis dellos al istilu Nóos
- Sobrucos Geneovesis dulcis
- Delicias del gerenti de la casa
De beber:
- Augua, vinos de la casa y licor Casu Brugal
De súpitu y, tres mirar bien la tarja de platos, mos vien un arreglotu y repelu que mos quita la jambri. Paez que tala desposición de güena cucina popular mos jarta y val p`anajar el local. El maitre s`enfurrusca y acemanga. L`airi frescu de juera mos tornará la color de la cara. Estu es vida.
Entradas
